Euskal Sagardoak, Euskadiko sagarrez eginiko sagardo naturala biltzen du. Sagarraren muztio naturala artzitu edo irakinda lortutako sagardoa, CO2, ura eta azukrerik gehitu gabea. Euskal Sagardoak bertako sagar gezak eta garratzak (gaziak) ematen dizkion usain, eta zaporeak ditu, etxe bakoitzeko ukitu edo estiloarekin. Orokorrean sagardo lurrintsuak dira, ahoan izaera handikoak eta txinparta ederrekoak. Baina egia da, sagardotegi bakoitzak duela bere Euskal Sagardo estiloa, beren eta beren kontsumitzaileen gustuak markatzen dutena, eta sagar nahasketa eta prozesu egokiek ahalbideratzen dutena.

Euskal Sagardoak bertakotasunean eta kalitatean batzen ditu sagardo guztiak, baina bakoitzaren estiloa eta izaera errespetatuta.
Sagar uzten arteko oreka lortu artean, Euskal Sagardoan egiten den sagardo kopuruan ere aldea izaten da urte batetik bestera. 2019 uztan 3,6 milioi litro egin ziren Euskal Sagardoa zigilupean eta aldiz 2020 uztan 1,2 milioi litro egin dira, sagar gutxiago izan delako. Gipuzkoa, Bizkaia eta Arabako 48 sagardotegi daude Euskal Sagardoan: Gipuzkoako 42, Bizkaiakoak 4 eta Arabakoak 2.