Okamikako industrialdea 2, pab. 5A.
48289 (Bizkaia)
lanekoleartibai@euskalnet.net
94 684 20 26
webgunea ikusi
Sagardogileak
LANEKO KOOP
“Baserri ezberdinetako sagarra biltzen dugu gure Euskal Sagardoa egiteko”
Ez dugu janaririk ematen, botilan eta barriletan saltzen dugu Euskal Sagardoa.
Proiektuaren hasieran, Lea-Artibai inguruko sagardogile batzuk batu ginen kooperatiba baten, LANEKO KOOP kooperatiban hain zuzen ere. Bakoitzak bere baserrian egiten zuen sagardoa eta egin beharreko inbertsioak zirela eta, batzea erabaki genuen eta sagardoa toki berean egitea, sagarrak bertara eramanez. Hau 1996an izan zen eta geroztik jarraitzen dugu elkarlanean.
Hiru sagardo egiten ditugu, denak Bizkaiko sagarrekin: arrunta, ekologikoa eta Euskal Sagardoa jatorri deiturakoa.
Lan taldea
Aitor Intxaurraga da Laneko Koop. kooperatibako arduraduna eta berak eta Jon Lezamak osatzen dute taldea.
Datu teknikoak
Lea Artibai inguruko baserrietako sagarrez egiten da Leartibai Euskal Sagardoa.
Elkarlana
Sagardo munduko kooperatiba bakarretakoa da Laneko Kooperatiba. Inguruko baserriek indarrak batu eta egiten dute Euskal Sagardoa eta beste hainbat produktu.
Leartibai Euskal Sagardoa: Goikoetxe, Urdin sagarra, Odixa, Txalaka eta Urtebeta.
Sagastiak: Larrinaga (Ispaster), Zeinka (Ziortza-bolibar), Mendieta Agarre (Artea), Gontzolai (Aulesti), Agirrebeheko eta Uskola (Mendexa), Agarre (Gizaburuaga), Uribarren eta Itzei Goikoa (Ispaster).
Leartibai EUSKAL SAGARDOA
Kolore horixka argia du Leartibai Euskal Sagardoak, fruta usain nabarmena eta ahoan suabea da. Sagar garratzak erabiltzen dira nagusiki, tanino handiegirik gabeak, eta horrek ematen dio bere izaera. Bizkaian ekoiztutako sagarra erabiltzen da, Lea Artibai inguruko baserrietakoa.
Bizkaiko Sagardogile Elkarteko kide da Laneko sagardotegia eta Bizkaian ekoiztutako sagarrak erabiltzen ditu Euskal Sagardoa egiteko.