Sagarra biltzen hasi dira sagastirik gehienetan, eta iaz baino uzta txikiagoa izango da
Sagar biltzen hasi dira Euskal Sagardoa Jatorri Deiturako 250 sagastietan. Iazkoarekin alderatuta %30 biltzea aurreikusten…
Euskal Sagardoa Jatorri Deitura
Jatorri-deitura urte askotako lanaren emaitza eta etorkizuneko apustua da, erakunde publikoek eta sagar eta sagardo sektoreak elkarlanean osatzen dutena. Euskal Sagardoa zigilua daramaten sagardoek bi ezaugarri nagusi dituzte: %100 bertako sagarrarekin eginak dira eta kalitate-bermea dute.
%100 bertako sagarrekin egina
115 sagar mota ditu onartuak Euskal Sagardoa Jatorri Deiturak bertako 500 hektarea sagastietan hazten direnak. Araba, Gipuzkoa eta Bizkaiko 248 sagar ekoizlek, sagastien kalitatea, produktibitatea eta uzta desberdinen arteko oreka bilatzen dihardute. Ondoren Euskal Sagardoa J.D.ko 48 sagardogilek, bertako sagarra balorean jarrita, kalitaterik oneneko sagardoak egin eta merkaturatu ditzaten.
Kalitate bermatua
HAZI Fundazioak ziurtatzen du prozesu osoa, hasi sagastitik eta botilara arte. Euskal Sagardoa zigilupean merkaturatzeko analisi organoleptiko eta fisiko-kimikoak gainditu behar ditu kontrolpean dagoen sagardoak, hau Fraisoro Laborategian ziurtatzen da.
Freskagarria eta osasuntsua
Euskal Sagarraren muztio naturala hartzituta lortutako edaria da Euskal Sagardoa. Artziduran, sagarraren azukrea alkohol bihurtuko da eta alkohol graduazio bajuko sagardoa lortuko dugu %5 ingururekin. Euskal Sagardoari ez zaio CO2, azukre eta urik gehitzen. Orokorrean sagardo freskagarri eta lurrintsuak dira, ahoan izaera handikoak eta txinparta ederrekoak.
Euskal Sagardoaren inguruko berriak
“Euskal Herrian mendeetan zehar kontsumitu den produktuari gorazarre egiten dio jatorri-deiturak. Marinelen bidaidea itsasaldi luzeetan. Gure arbasoen lanaren eta bizimoduaren lekukoa. Egunerokoan nahiz une berezietan, baserrietako zein hirietako ahogozoa.”
